Heb 6 | ZomZIV | STEP | Tua ahi manin Christ tawh kisai ah picin lam manawh ni. Sihna hong tun nasepnate pan kisikna bulkipte phut kik loin Pasian upna,

Hebrews 6

1 Tua ahi manin Christ tawh kisai ah picin lam manawh ni. Sihna hong tun nasepnate ^{▼▼6.1 Ahikeh amawkna gelnate} pan kisikna bulkipte phut kik loin Pasian upna, 2 baptisenate tawh kisai lamlahnate, khutngaknate, misite thawhkiknate, le tawntung thukhennate tawh kisai, thuhilhna bulpite nusia ni. 3 Pasian in hong phal leh tua bangin i hih ding hi. ^b

4 Khatvei khuavak mu khin a, vantung letsong a ciam khin, Khasiangtho sunga tanh a nei khin, 5 Pasian thu hoihna le hong tung ding khanghun vangliatnate a ciam khin mite, 6 a pukmang uh leh kisik theih ahi kei hi. Bang hang hiam cih leh ^{▼▼6.6 Ahikeh kisik hun} amau man nadingin Pasian Tapa a kilhlum kik uh hi-a, mipi mai-ah sim mawhna a thuaksak kik uh ahi hi. ^d

7 A hunhunin guah a dawl, a kikhawh sakpa adingin a manpha gah a gahsak tua lo, Pasian thupha ngah ahi hi. 8 Ahi hangin ling le thanglingte a pona lo in kimanna nei lo-a, a kihamsiat ding lauhuai hi. A tawpna-ah a kihaltum ding hi. ^e

9 Hih bang i cih tei hangin kong it lawmte aw, no tawh kisai-in hotkhiatna tawh kipawl a hoihzaw nate no aa hi, ci-in lungmuangin ka om hi. 10 Pasian thutang lo ahi kei hi; amah in na nasep uh le ama mite na huhnasa uh le na huh lai nadingte uhah amah na itna uh na lahnasa uh a mangngilh kei ding hi. 11 Na lametna uh a kip nadingin na vekun a tawpkhak dong tua bangin na thanuam ding uh kong deih uh hi. 12 Note na thadah ding uh kong deih kei uh a, upna le sikdona tungtawna kam ciamsa a luahte na etteh ding uh kong deih uh hi. ^f

Pasian Kamciam Kiciatna

13 Pasian in Abraham tungah kamciam a piakin amah sanga lianzaw kiciam nading om lo ahi manin amahmah kilo in kiciam a, 14 “Thupha kong pia taktak ding a, suan le khak tampi kong pia ding hi,” ^{▼▼6.14 Pc. 22:17} a ci hi. 15 Tua mah bangin lungduaitaka a ngak khit ciangin Abraham in tua a kikamciamsa a ngah hi. ^h

16 Mihingte, amau sanga lianzaw khat lo-in kiciam uh a, tua kiciamna in thu kigen pen kipsakin kiselna khempeuh a beisak hi. 17 Bang hang hiam cih leh Pasian in a kamciamsa a luahte tungah, ama tupna bang a khellohna theisak nuam ahi manin tomlawhna tawh a kipsak hi. 18 Eite in hong kipia lametna len-a i delh laitakin nakpi-a i kihanthawn theih nadingin Pasian zuautheihlohna thu nih tawh Pasian in a hih zo hi. 19 Eite in tua lametna kha adingin sikkipin i nei a, kip mahmah in muanhuai hi. Tua in, puanzak nung mun siangtho sungnung ah lut-a, 20 tua munah Jesu eite ma-ah eite tangin a na lut khinzo hi. Amah Melchizedek gui zui-in tawntung tulpi hong suak hi. ⁱ